EKSKLYUZIV: IJOD UFQLARI

ALISHER SOBIR OG'LI — yuksak iste'dod, beqiyos ishtibohlar, ajib satrlar, samimiy va dilga yaqin so'zlar ifoda topgan ijod sohibi...

Мактуб

Қалдирғочдек беғубор ва беозор опам Наргизага

Опа ўша оппоқ нурли тонглар қани

Ишқ шаробин қуйган соқе жомлар қани

Мен дунёга итдек ҳуриб ўтгандайман

Жаннатларга эшик бўлган шомлар қани

Вафо сўзи эскирдими ғариб диллар

Кунларимни қовурмоқда ғамгин йиллар

Опа учгин бу ҳокисор ерни босма

Тоғри гапдан ор қилади бу қузғунлар

Исён қилар юрагимда бир оқ қайин

Бу кўзларим ёнмай қолди кун кўрмайин

Опа бизлар эртакларга ишонардик

Дил пок эди бешикдаги гўдакдайин

Онам яшаш бева ойнинг сочин ўриб

Икки кўзин дарёлари кетган қуриб

Бизлар баҳор кутган йўлдан куз келмоқда

Кўнглим охсоқ ҳали ёшлик ўтмай туриб

Ана ажал остонамдан видо ўқир

Бу тақдирга ланат дея гадо ўқир

Опа қаранг юраксизлар худогамас

Бир- бирига саждалар қиб дуо ўқир

Болалигим ҳув осмонда қолиб кетган

Ҳаловатни юлдизсиз тун олиб кетган

Е хўрсинманг осмон ҳолсиз йиқилади

Бу дунёдан ким кулиб ким нолиб кетган

Муз бағрида ҳам токилиб яшнаябмиз

Гоҳ эзилиб гоҳ эгилиб яшнаябмиз

Опа дунё нима деса деяверсин

Биз юракда ХУДО билан яшаябмиз

Сиз кутасиз

“Сиз кутасиз”, мени кун бўйи,

Йўл қарайсиз ақилдан озиб.

Юрагингиз остонасига

Ҳатто исмим қўйгансиз ёзиб.

Сиз кутасиз шамоллар беун,

Изсиз дайдир, осмон ўртанар.

Ҳовучига тўлдириб дуо,

Қизғалдоқлар ҳолсиз тебранар.

“Сиз кутасиз” кўйлагингиз чанг

Тупроқ йўлга дардингиз тўкиб.

Қуёш ҳолдан тойган маҳали,

Севгимизга видолар ўқиб.

Сиз кутасиз тоқатингиз тоқ,

“Эҳ келмайди” деб тил учида.

Йўлда асир тушиб қолдим мен,

Кўзларингнинг қорачиғига.

Дунё бу

Ким ҳусун адоси ким гул адоси,

Ким чаман ичинда булбул адоси.

Онамнинг сабрдан экан либоси,

Онамни азобга солган дунё бу.

Кўҳна бозор дунё асли тор дунё,

Ғамдан бўлак яна ниманг бор дунё.

Ёмонга жазонг йўқ яхшинг хор дунё,

Қирқта қароқчидан Қолган дунё бу.

Қўл чўзсанг бойга чўз тўрдан жой тегар.

Камбағалга доим шўрдан жой тегар.

Сенга ҳам Менга ҳам гўрдан жой тегар,

Бойлари иймонин сотган дунё бу.

Мард бўл номардларга эгилмасин бош,

Кўнгилни юмшатмас сохта бу кўз ёш.

Шайтон бўб шайтонга отишади тош,

Шайтонла хилватда ётган дунё бу.

Чиройга сиғиниб яшаётирмиз,

Кўнгилга кўмилиб яшаётирмиз.

Суйдик деб куйдик деб яшаётирмиз,

Асли гўзаллиги ёлғон дунё бу.

Иймонли дилларда азиздир одам,

Гоҳ тўғри гоҳида эгридир одам.

Ўлсанг йиғлаб кулиб тутишар мотам,

Ҳаттоки дўстлиги ёлғон дунё бу.

Машрабдан Ҳайёмдан қолган дунё бу.

Кўшиқ

Кўшиққа айландим

ғамгин кўшиққа,

ҳар дилда

ҳар кўйда ўқилавердим.

Минг йил сажда этдим вафосиз ишққа,

Ҳар тонг қуёш ила туғилавердим.

Янградим тоғлардан садолар қайтди.

Иймонин ҳовучлаб адолар қайтди.

Сенинг боғларингдан қайтмади садо,

Менинг осмонимдан видолар қайтди.

Адашган еллардай увуллаб юрдим,

Қуш бўлиб қанотсиз ҳаёллар сурдим.

Сени кўнглингдаги кўзгуда эмас,

Мен ўз суратимни оловда кўрдим.

Олов қўшиқ эдим

Олов тан эдим

ҚАЛҚОН

Ой бўлмаса бефайз ахир осмонларим,

Қизил қонга тўлиб кетди ўммонларим.

Магаданда жонсиз ё тар Усмонларим,